Respýblıkanyń keı jerlerinde kún kúrkirep, jaýyn jaýady, burshaq túsedi, jel kúsheıedi - 12 shildedegi aýa raıy boljamy
ASTANA. QazAqparat - Respýblıkanyń basym bóliginde atmosferalyq aǵyndardyń ótýimen aýa raıynyń turaqsyz sıpaty kútiledi, keı jerlerde jaýyn jaýady, soltústikte jańbyr, keı jerlerde nóser jaýyp, burshaq túsýi múmkin. Keı jerlerde kún kúrkirep, jel kúsheıedi.
Respýblıkanyń ońtústigi men batysynda kún ashyq bolady, keı jerlerde shańdy daýyl turady, dep habarlady QR TJM baspasóz qyzmeti «Qazgıdrometke» silteme jasap.
Aqmola, Soltústik Qazaqstan oblystarynda keı jerlerde jel 15-20 m/s-qa deıin kúsheıip, burshaq jaýýy múmkin. Jambyl, Qyzylorda, Qostanaı, Pavlodar, Qaraǵandy oblystarynda, kúndiz Ońtústik Qazaqstan, Atyraý, Batys Qazaqstan, Aqtóbe, Shyǵys Qazaqstan oblystarynda keı jerlerde jeldiń ekpini 15-22 m/s-qa jetedi, Qyzylorda jáne Atyraý oblystarynda shańdy daýyl kóteriledi. Kúndiz Almaty, Jambyl, Ońtústik Qazaqstan, Shyǵys Qazaqstan oblystarynda, Mańǵystaý, Qaraǵandy oblystarynyń keı jerlerinde aptap ystyq bolady. Respýblıkanyń ońtústiginde, ońtústik-shyǵysynda, batysynyń keı jerlerinde, soltústik-batysynda jáne ortalyǵynda óte joǵary órt qaýpi saqtalady.
Taıaýdaǵy táýlikterde respýblıkanyń ońtústigindegi, ońtústik-shyǵysyndaǵy jáne shyǵysyndaǵy taý ózenderinde sý betiniń qubylýy baıqalady. Іle ózeninde Qapshaǵaı sý qoımasyna keletin aǵyn kóleminde eleýli ózgeris bolmaıdy.
