Respýblıkanyń qańtar-qazandaǵy syrtqy saýda aınalymy 39,7 paıyzǵa artyp, 101,1 mlrd. AQSh dollaryn qurady - Úkimet otyrysy
ASTANA. 28 jeltoqsan. QazAqparat - /Marlan Jıembaı/ - Respýblıkanyń qańtar-qazandaǵy syrtqy saýda aınalymy 39,7 paıyzǵa artyp, 101,1 mlrd. AQSh dollaryn qurady. Bul týraly búgin Úkimet otyrysynda Ekonomıkalyq damý jáne saýda mınıstri Qaırat Kelimbetov málim etti.
«Ekonomıkanyń naqty sektoryndaǵy ósýdiń joǵarǵy qarqyny syrtqy konıýnktýranyń qolaılylyǵymen aǵymdaǵy qańtar-qazan aılarynyń qorytyndysynda syrtqy saýda aınalymy ósiminiń 39, 7 paıyzǵa artýyna septigin tıgizdi. Aǵymdaǵy jyldyń qańtar-qazan aılarynyń qorytyndysy boıynsha ol 101,1 mlrd. dollardy qurady», - dedi mınıstr.
Onyń aıtýynsha, ótken jyldyń sáıkes kezeńimen salystyrǵanda taýar eksporty 48,2, ımport - 22, 4 paıyz ósim kórsetken.
«Aǵymdaǵy jyldyń 10 aıynda Keden odaǵy elderiniń ózara saýdasy 43,3 paıyzǵa ósti. Onyń ishinde eksport - 51,4, ımport - 39,8 paıyzdy qurady», - dedi ol.
