Respýblıkanyń birqatar óńirlerinde aptap ystyq bolady - 10 shildedegi aýa raıy boljamy
ASTANA. QazAqparat - Respýblıkanyń basym bóliginde atmosferalyq aǵyndardyń ótýimen aýa raıynyń turaqsyz sıpaty kútiledi, keı jerlerde kún kúrkirep, jaýyn jaýady, jel kúsheıedi, ońtústikte shańdy daýyl kóteriledi. Qazaqstannyń ońtústik-shyǵysynda jáne shyǵysynda aýa raıy ashyq bolady, dep habarlady QR TJM baspasóz qyzmeti «Qazgıdrometke» silteme jasap.
Aqtóbe, Qyzylorda, tańerteń jáne kúndiz Aqmola, Qostanaı, Ońtústik Qazaqstan, kúndiz Batys Qazaqstan, Soltústik Qazaqstan oblystarynda keı jerlerde jeldiń kúshi 15-20 m/s-qa jetedi, Qyzylorda oblysynda shańdy daýyl kóteriledi. Mańǵystaý oblysynda túnde jáne tańerteń keı jerlerde tuman túsip, kúndiz jeldiń ekpini 15-20 m/s-qa jetedi. Kúndiz Aqmola, Jambyl, Qyzylorda, Pavlodar, keı jerlerde Ońtústik Qazaqstan, Aqtóbe oblystarynda aptap ystyq bolady. Qaraǵandy oblysynda kúshti ystyq, keı jerlerde óte kúshti ystyq bolady. Respýblıkanyń ońtústiginde, batysynyń keı jerlerinde, soltústik-batysynda, ońtústik-shyǵysynda jáne ortalyǵynda óte joǵary órt qaýpi saqtalady.
Taıaýdaǵy táýlikterde respýblıkanyń ońtústigindegi, ońtústik-shyǵysyndaǵy jáne shyǵysyndaǵy taý ózenderinde sý betiniń qubylýy baıqalady. Іle ózeninde Qapshaǵaı sý qoımasyna keletin aǵyn eleýli ózgermeıdi. Qapshaǵaı, Shardara sý qoımalary, Buqtyrma sý qoımasy birte-birte toltyryla bastaıdy.
