Respýblıkanyń birqatar óńirinde túnde 0-5 gradýsqa deıin qatqaq bolýy saqtalady - 12 qyrkúıektegi aýa raıy
ASTANA. QazAqparat - Qazaqstannyń basym bóliginde burynǵysha kún ashyq bolady, eldiń batysynda, soltústiginde jáne shyǵysynda ǵana atmosferalyq aǵyndardyń ótýimen aýa raıynyń turaqsyz sıpaty kútiledi, keı jerlerde kún kúrkirep, jańbyr jaýady, jel kúsheıedi, dep habarlady QR ІІM TJK «Qazgıdrometke» silteme jasap.
Aqmola, Qostanaı, Soltústik Qazaqstan oblystarynda túnde jáne tańerteń tuman túsedi, kúndiz jel 15-20 m/s-qa deıin kúsheıedi.
Ońtústik Qazaqstan, Atyraý, Batys Qazaqstan, Pavlodar, kúndiz Jambyl oblystarynda keı jerlerde 15-20 m/s-qa deıin jel kúsheıedi, Mańǵystaý oblysynda keı jerlerde shańdy daýyl kóteriledi, jeldiń kúshi 15-20 m/s, túnde jáne tańerteń jaǵalaýda tuman túsedi. Qyzylorda oblysynda shańdy daýyl kóteriledi, jeldiń kúshi 15-20 m/s.
Shyǵys Qazaqstan oblysynda keı jerlerde túnde jáne tańerteń tuman túsedi, jeldiń ekpini 15-20 m/s.
Respýblıkanyń soltústiginde, soltústik-batysynda, shyǵysynda jáne ortalyǵynda túnde 0-5 gradýsqa deıin qatqaq bolýy saqtalady.
Respýblıkanyń ońtústiginde, ońtústik-shyǵysynda, batysynyń keı jerlerinde, soltústiginde, soltústik-batysynda, shyǵysynda jáne ortalyǵynda óte joǵary órt qaýpi saqtalady.
Taıaýdaǵy táýlikterde Syrdarııa ózeninde Ońtústik Qazaqstan jáne Qyzylorda oblysynyń ońtústigi sheginde Shardara sý qoımasynan sý kelýiniń azaıýyna baılanysty sý deńgeıi tómendeıdi. Respýblıkanyń ońtústigindegi, ońtústik-shyǵysyndaǵy jáne shyǵysyndaǵy taý ózenderinde gıdrologııalyq rejımde eleýli ózgerister bolmaıdy.
