Respýblıkanyń birqatar oblystarynda jol jabyq
ASTANA. QazAqparat - Aýa raıynyń nasharlaýyna baılanysty respýblıkanyń birqatar aımaǵynda jol qozǵalysyna shekteý qoıyldy. Bul týraly QR ІІM TJK habarlady.
Almaty oblysynda aýa raıynyń nasharlaýyna baılanysty (boran, joldyń kórinbeýi) «Saryózek-Kóktal» a/j (40-80 shaqyrymy) júk tasymaldaıtyn kólikterge shekteý qoıyldy.
Sondaı-aq saǵat 19.00-den aýa raıynyń nasharlaýyna baılanysty (temperatýranyń tómendeýinen) Astana qalasynan barlyq baǵyttarǵa dızeldik jáne qoǵamdyq avtokólikterge qozǵalys toqtatylǵan.
Aqmola, Shyǵys Qazaqstan, Soltústik Qazaqstan oblystarynda da aýa raıynyń nasharlaýyna baılanysty (temperatýranyń tómendeýi) barlyq baǵyttarǵa dızeldik jáne qoǵamdyq avtokólikterge qozǵalys toqtatyldy.
Pavlodar oblysynda aýa raıynyń nasharlaýyna baılanysty (temperatýranyń tómendeýi) «Astana-Ereımentaý-Shiderti» a/j ýchaskesinde (205-259 shaqyrymy) Shiderti sh. Aqmola oblysy shekarasyna deıin dızeldik jáne qoǵamdyq avtokólikterge qozǵalys toqtatylǵan.
Sonymen birge «Omby-Maıqapshaǵaı» a/j ýchaskesinde (426-587 shaqyrymy) Kenjekól sh. Shyǵys Qazaqstan oblysy shekarasyna deıin dızeldik jáne qoǵamdyq avtokólikterge qozǵalys toqtatylǵan.
