Respýblıkanyń birqatar aımaqtarynda jel kúsheıedi dep kútilýde - 16 shildege arnalǵan aýa raıy boljamy
ASTANA. 15 shilde. QazAqparat - QR Qorshaǵan ortany qorǵaý mınıstrligi «Qazgıdromet» RMK málimetteri boıynsha, Qazaqstan aýmaǵynyń basym bóliginde aýa raıynyń turaqsyzdyǵy saqtalady.
Keı jerlerde naızaǵaı jarqyldap, jańbyr jaýady, burshaq jaýyp, uıytqyǵan jel soǵýy múmkin, tek respýblıkanyń batysynda jáne ońtústiginde jaýyn-shashynsyz aýa raıy kútilýde.
Aqmola, Qostanaı oblystarynda keı jerlerde jel 15-20 m/s-qa kúsheıedi dep kútilýde, túnde keı jerlerde tuman túsedi.
Pavlodar, Qaraǵandy oblystarynda keı jerlerde jel 15-20 m/s-qa kúsheıedi dep kútilýde, burshaq jaýýy múmkin. Almaty, Soltústik Qazaqstan, Shyǵys Qazaqstan oblystarynda keı jerlerde jel 15-20 m/s-qa kúsheıedi dep kútilýde.
Atyraý oblysynda, Mańǵystaý, Batys Qazaqstan oblystarynyń keı jerlerinde qatty ystyq bolady dep kútilýde.
Respýblıkanyń soltústik-batysynda, batysynda, ońtústiginde, ońtústik-shyǵysynda jáne ortalyǵynyń keı jerlerinde tótenshe joǵary órt qaýpi saqtalady.
Jaqyn táýlikterde respýblıkanyń ońtústigi, ońtústik-shyǵysy jáne shyǵysy ózenderiniń kópshiliginde sý deńgeıiniń turaqsyzdyǵy baıqalady. Qazaqstannyń jazyq aýmaǵynyń ózenderinde gıdrologııalyq tártipte aıtarlyqtaı ózgerister kútilmeıdi.
