Respýblıkanyń birqatar aımaqtarynda qatty aıaz saqtalady - Qazgıdromet
ASTANA. QazAqparat - 8 aqpan kúni respýblıka aýmaǵynyń basym bóliginde burynǵysha atmosferalyq frontaldyq aǵyndardyń ótýine baılanysty aýa raıynyń turaqsyzdyǵy saqtalady, jer-jerlerde qar, boran, qatty jel, jekelegen aýdandarda tuman, kóktaıǵaq kútiledi. Bul týraly «Qazgıdrometke» silteme jasap, QR TJM baspasóz qyzmetinen habarlandy.
Almaty oblysynda 15-20 m/s-qa jel kúsheıip, Jalańashkól aýdanynda ekpini 25 m/s-qa deıin barady. Jambyl oblysynyń birqatar jerlerinde boran soǵyp, tuman bolady, jeldiń ekpini 18-23 m/s-qa deıin barady. Ońtústik Qazaqstan oblysynyń kebir aımaqtarynda boran soǵyp, tuman bolady, ekpini 15-20 m/s bolatyn jel soǵady.
Qaraǵandy oblysynda, kúndiz Shyǵys Qazaqstan oblysynyń birqatar jerlerinde jeldiń kúshi 15-20 m/s-qa deıin barady. Qyzylorda oblysynda, kúndiz Atyraý oblysynyń keı jerlerinde jeldiń ekpini 15-20 m/s-qa jetedi. Mańǵystaý oblysynda tuman, kóktaıǵaq bolady dep kútilýde. Qostanaı oblysynda túnde jáne tańerteń tuman túsýi yqtımal. Túnde Almaty, Mańǵystaý, Atyraý oblystarynyń keıbir jerlerinde qatty aıaz bolady dep kútilýde.
