Respýblıkanyń bilim berý mektepteri arasynda «Chek talap et - Patrıot bol» aktsııasy ótedi
ASTANA. 27 qazan. QazAqparat. Aǵymdaǵy jyldyń 1 qarashasy men 1 jeltoqsany aralyǵynda Qazaqstan Respýblıkasy Qarjy mınıstrliginiń Salyq komıteti úkimettik emes uıymdardyń qoldaýymen respýblıkanyń bilim berý mektepteri arasynda «Chek talap et - Patrıot bol» aktsııasyn ótkizedi,
dep habarlaıdy QR QM Salyq komıtetiniń baspasóz qyzmeti.
Atalǵan aktsııa birinshi ret ótkiziledi jáne ósip kele jatqan jetkinshekter arasynda salyqtyq bilimdi jáne mádenıetti, patrıotızmdi arttyrýǵa, sondaı-aq kóleńkeli ekonomıka kólemin qysqartýǵa baǵyttalǵan.
Aktsııaǵa respýblıkanyń barlyq jalpy bilim berý mektepteriniń 1-shi synyptan 11-shi synypqa deıingi oqýshylary qatysa alady. Oqýshylardyń belsendi qatysýy respýblıkanyń barlyq turǵyndaryn aktsııaǵa tartady, sondaı-aq baqylaý-kassa mashınalarynyń chekterin neǵurlym kóp jınaǵan synyptarǵa júldeler beriledi.
Belsendi qatysýshylardy bastapqy irikteý baqylaý-kassa mashınalarynyń chekterin neǵurlym kóp jınaǵan synyptardy anyqtaý arqyly aýdandyq deńgeıde júrgiziletin bolady. Bul rette bul kezeńde aýyl jáne aýdan mektepteriniń sanattarynan eki asa belsendi synyptar anyqtalady.
Asa belsendi oblystyq qatysýshyny irikteýdiń ekinshi kezeńi irikteýdiń bastapqy kezeńiniń nátıjeleri boıynsha anyqtalǵan aktsııaǵa belsendi qatysýshynyń derektemeleri (aýdan, oblys ataýy, lıter, mektep nómiri kórsetile otyryp, synyp) kórsetile otyryp, bıletter ornalastyrylatyn lotereıa barabanyn iske qosý arqyly oblystyq deńgeıde ótkiziledi.
Aktsııanyń ekinshi kezeńiniń barlyq qatysýshylary oblys, Astana, Almaty qalalarynyń salyq departamenti bastyǵynyń qurmet gramotasymen marapattalady.
Odan basqa, ekinshi kezeńde qatysýshyny baǵaly júldemen marapattaýdy kózdeıtin «Oblystyń (qalanyń) asa belsendi aýyl mektebi» qosymsha atalymy jasalady. Bul atalymnyń jeńimpazy baqylaý-kassa mashınalarynyń chekterin neǵurlym kóp jınaǵan aýyl mektebiniń synyby bolady.
Aktsııanyń respýblıkalyq jeńimpazyn anyqtaýdyń úshinshi kezeńi respýblıka astanasynda - Astana qalasynda ótkiziledi. Bul kezeńde baqylaý-kassa mashınalary chekteriniń sanyna qaraı qatysýshylardy 3-sanatqa toptaý ótkiziledi. Sodan keıin jeńimpazdy (1, 2, 3-oryndar) anyqtaý úshin qatysýshylardyń árbir sanatyna lotereıa barabany iske qosylady.
Qazaqstan Respýblıkasy Qarjy mınıstrliginiń Salyq komıteti úkimettik emes uıymdardyń qoldaýymen jeńimpazdarǵa mynadaı júldelerdi usynady:
birinshi oryn alǵan synyptarǵa - Astana qalasyna ekskýrsııa túrindegi joldama;
ekinshi oryn alǵan synyptarǵa - kompıýterlik tehnıka;
úshinshi oryn alǵan synyptarǵa - sporttyq qural-jabdyq.
