Respýblıkanyń bes oblysynda tún salqyndaıdy - 6 qyrkúıekke arnalǵan aýa raıy boljamy
ASTANA. 5 qyrkúıek. QazAqparat - Qazaqstannyń kóptegen bóliginde antıtsıklon yqpalymen jaýyn-shashynsyz aýa raıy kútilýde. Bul týraly Qazgıdrometke silteme jasaǵan TJM-niń baspasóz qyzmetinen habarlaıdy.
Respýblıkanyń batysynda atmosferalyq bólikterdiń ótýimen birge aýa raıynyń turaqsyz sıpaty kútiledi, naızaǵaıly jańbyr jaýyp, jel kúsheıedi.
Mańǵystaý, Atyraý, Batys Qazaqstan oblystarynda, kúndiz Aqmola, Jambyl oblystarynda jeldiń jyldamdyǵy 15-20 m/s bolady.
Soltústik Qazaqstan oblysynda túnde jáne tańerteń keıbir jerlerde tuman túsedi.
Aqmola, Soltústik Qazaqstan, Qaraǵandy, Pavlodar, Shyǵys Qazaqstan oblystarynda túnde keıbir jerlerde aýa temperatýrasy -2 gradýsqa deıin salqyndaıdy.
Respýblıkanyń ońtústiginde, batysynyń keıbir jerlerinde tótenshe joǵary órt qaýiptiligi saqtalady.
