Respýblıkanyń bes oblysynda 276 úı sý astynda qalyp otyr - QR ІІM TJK

Spıker bolyp habar berý jáne halyqty oqytý bóliminiń bastyǵy Imanqulov Rýslan sóz sóıledi. Bul týraly QR ІІM Ьótenshe jaǵdaılar komıtetiniń baspasóz qyzmetinen habarladyú

Respýblıkanyń sý tasqyny qaýipti óńirlerinde aldyn alý sharalaryn jáne avarııalyq-qutqarý jumystaryn júrgizý jalǵasýda.

Aqmola oblysynda sý aıdyndaryndaǵy sý deńgeıine táýlik boıy monıtorıng júrgiziledi. Tselınograd aýdanynyń Qosshy aýlynda Nura ózeniniń boıymen bógendi nyǵaıtý jumysy jalǵasýda. Qazirgi ýaqytta 3 100 astam qum salynǵan qap tóseldi. Qosymsha 1 100 tonna ınertti materıal jetkizildi.

Taıtóbe, Qyzyl Jar, Talapker, Qarajar aýyldarynda sý sorý jumystary jalǵasýda. Aǵanas aýlyna azyq-túlik jetkizý uıymdastyryldy, onda 21 turǵyn úıdi sý basqan. Jol qatynasyn qalpyna keltirý jumystary jalǵasýda, 240 tonna ınertti materıal jetkizildi.

Qazirgi ýaqytta R. Qoshqarbaev aýlyna baratyn avtojoldyń 500 shaqyrym jol tósemi qalpyna keltirildi. Aqmol aýlyndaǵy turǵyn úıler boıyn úıý jumystary aıaqtaldy.

Jańajol jáne Otaýtúsken aýyldarynan aldyn ala 91 turǵyn evakýatsııalandy. Jer-jerde úıý jumystary júrgizilýde, sý deńgeıine táýlik boıy baqylaý júrgizý toqtatylǵan joq.

Astrahan aýdanynyń Staryı Kolýton aýlynyń turǵyndary yqtımal sý basý qateri týraly qulaqtandyryldy. Yqtımal sý basý aımaǵynda ornalasqan turǵyn úılerdi aralaý júrgizildi. Aýylda ІІM TJ komıtetiniń qutqarý bólimsheleri jáne jergilikti atqarýshy organdar táýlik boıy kezekshilikte.

Qutqarý bólimsheleri Atbasar qalasynda da táýlik boıy kezekshilikte, onda úılerden jáne aýla mańyndaǵy aýmaqtardan sý sorý jumystary úzdiksiz júrgizilýde. Sońǵy derekter boıynsha 2 úıdiń jertólesine sý jınalǵan.

Qaraǵandy oblysynda Abaı aýdanynyń Qaraqoǵa aýlynyń 18 turǵyny óz úılerine qaıtyp oraldy. 11 adam evakýatsııada. Sonymen qatar Abaı aýdanynyń Ogorody aýlynyń jáne Buqar jyraý aýdanynyń Ǵ. Mustafın atyndaǵy, Tassýat, Kóbeteı, Maıorovka aýyldarynyń 672 turǵyny evakýatsııada.

Ǵ. Mustafın atyndaǵy aýylda 124 turǵyn úıden sý shyǵaryldy, aýlalardy tazalaý jáne sý basqan úılerden múlikti evakýatsııalaý jumystary jalǵasýda.

Sadovoe jáne Yntymaq aýyldaryndaǵy úılerden sý tolyq ketti.

Qutqarý bólimsheleri Balyqtykól eldi mekenine azyq-túlik jáne gýmanıtarlyq kómek ótkel arqyly jiberilip jatyr. Sonymen qatar qutqarýshylar Qaroı aýlyna qaıyqtarmen adamdardy jáne gýmanıtarlyq kómek jiberýde.

Qulanótpes, Sonaly jáne Janbóbek aýyldaryna gýmanıtarlyq kómek jiberý úshin MI-8 tikushaǵy tartylǵan.

Maıorovka aýlynda sý deńgeıiniń tómendeýi baıqalady, ondaǵy 131 turǵyn úılerine oraldy.

Aqtoǵaı aýdanynyń Qarasý kentinde 7 úı jartylaı qırady.

Jer-jerde sýdy soryp alý, patrýldeý, sý deńgeıin baqylaý, qorǵanysh bilikterin turǵyzý jumystary júrgizilýde.

Shyǵys Qazaqstan oblysynda Kólbala ózeniniń mańynda turatyn Ulan aýdanynyń Besterek aýlynyń 17 turǵyny alyn ala evakýatsııalandy. 65 bas mal qaýipsiz jerge aıdaldy. ІІM bólimsheleriniń, jergilikti atqarýshy organdardyń jáne tartylǵan uıymdardyń táýlik boıy kezekshiligi qoıyldy.

Pavlodar oblysynyń Baıanaýyl jáne Ekibastuz óńirlerinde avtıomobıl joldaryn qalpyna keltirý jumystary júrgizilýde. «Qazaqavtojol» RMK kúshimen Qarashı jáne Teńdik aýyldarynda 120 shaqyrym jol tósemi qalpyna kelitrildi.

Soltústik Qazaqstan oblysynda Sileti ózeniniń arnasynda tasqyn sýlardyń ótýine monıtorıng jalǵasýda, baqylaý beketteri ornatylǵan. Qýlykól jáne Qaratal aýyldarynda aıdalǵan 722 mal qaıtaryldy.

Aqqaıyń jáne Temırıazev aýdandarynda Qııaly jáne Stepnoe aýyldarynan sý sorý jáne sý buratyn kanaldardy qurý jumystary jalǵasýda.

Qazirgi ýaqytta elimizdiń bes oblysynda 2 142 úıden sý ketti, 276 úı sý astynda qalyp otyr.

16 154 evakýatsııalanǵandardan 10 017 adam óz úılerine qaıtyp oraldy, 1623 adam evakýatsııalaý pýnktterinde qalyp otyr.

Avtomobıl joldarynyń 140 zaqymdalǵan ýchaskesiniń 63-i qalpyna keltirildi. Tasqyn sýdan 9 kópir qırady.

Sońǵy derekterge sáıkes 22 028 metr ýaqytsha bógen turǵyzyldy, 3 211 metr bóget qalpyna keltirildi, 92 512 qapqa qum salynyp tóseldi, 289 759 kýb.m sý soryldy.

Sý tasqynyna qarsy is-sharalarǵa 6 308 adam, 1 691 birlik tehnıka, 112 sý soratyn qurylǵy, 107 júzý quraly qatystyryldy.