Respýblıkanyń batysynda nóserli jańbyr jaýyp, naızaǵaı oınaıdy - 3 tamyzǵa arnalǵan aýa raıy boljamy
ASTANA. 2 tamyz. QazAqparat - Atmosferalyq aǵymdardyń ótýine baılanysty 3 tamyzda Qazaqstannyń basym aýmaǵynda keı jerlerde ótkinshi jańbyr jaýady,
respýblıkanyń shyǵys bóliginde jekelegen jerlerde nóserli jańbyr jaýyp, naıǵazaı oınap, jel kúsheıedi, túngi ýaqytta tuman bolady, dep habarlady Qazgıdrometke silteme jasaı otyryp QR TJM-niń baspasóz qyzmeti.
Respýblıkanyń batysy men soltústik-batysynda jáne ońtústik bóliginde kún raıy jaýyn-shashynsyz bolady dep kútilýde.
Aqmola, Pavlodar, Qaraǵandy, kúndiz Qostanaı, Ońtústik Qazaqstan oblystarynda keı jerlerde 15-20 m/s jyldamdyqpen jel soǵady.
Aqmola, Qostanaı, Soltústik Qazaqstan, Qaraǵandy oblystarynda tańerteń jáne túnde tuman basady.
Almaty, Shyǵys Qazaqstan oblystarynda keı jerlerde jeldiń ekpini 15-22 m/s-qa deıin jetedi, burshaq jaýýy yqtımal.
Atyraý, Batys Qazaqstan oblystarynda kúndiz kún qatty ysıdy dep kútilýde.
Atyraý, keı jerlerde Batys Qazaqstan, Aqtóbe, Qyzylorda, Ońtústik Qazaqstan, Jambyl, Almaty, Pavlodar, Shyǵys Qazaqstan oblystarynda tótenshe joǵary órt qaýpi saqtalady.
Aldaǵy táýlikterde Almaty oblystarynyń taýly ózenderinde yqtımal nóserli jańbyrdyń saldarynan sý tasqyny bolýy múmkin. Batys Altaıdyń ózenderinde jańbyrdyń jaýýyna baılanysty sý deńgeıiniń artýy baıqalady.
