Respýblıkanyń batysynda qar, kúshti jel men jaıaý burqasyn saqtalady - 8 aqpanǵa arnalǵan aýa raıy
ASTANA. 7 aqpan. QazAqparat - Respýblıkanyń batystaǵy keıbir óńirlerinde qar, kúshti jelder men jaıaý burqasyn búgin de saqtalady. Qalǵan aýmaq bóliginde negizinen kún raıy ashyq bolady. Bul týraly «Qazgıdrometke» silteme jasaı otyryp, QR TJM-niń baspasóz qyzmeti habarlady.
Mańǵystaý, Atyraý, Batys Qazaqstan, Aqtóbe jáne kúndiz Qostanaı oblystarynyń jekelegen óńirlerinde 15-20 m/s jyldamdyqpen jel soǵady dep kútilýde.
Qaraǵandy, kúndiz jáne túnde Soltústik Qazaqstan oblystarynyń keı jerlerinde tuman bolady. Túnde Almaty, Ońtústik Qazaqstan oblystarynyń keıbir jerlerinde kúshti aıaz saqtalady.
Mańǵystaý oblysynda kúshti aıaz saqtalady, jekelegen jerlerde óte qatty aıaz bolady.
Aldaǵy táýlikte Ońtústik Qazaqstan, Qyzylorda, Jambyl, Almaty jáne Shyǵys Qazaqstan oblystaryndaǵy ózenderdiń deninde muz qatý protsesterine baılanysty sý deńgeıleriniń aýytqýy baıqalady. Jekelegen ózenderde sý deńgeıiniń kenetten kóterilýinen sý basý jaǵdaılary bolýy yqtımal. 8-9 aqpanda Shardara sý qoımasyna sekýndyna 1300 tekshe metr sý keledi dep kútilýde.
