Respýblıkanyń batysy men shyǵysynda ótkinshi jańbyr saqtalady, naızaǵaı oınap, jel kóteriledi
ASTANA. 23 shilde. QazAqparat - Atmosferalyq aǵymdardyń ótýine baılanysty Qazaqstannyń batysy men shyǵysynyń jekelegen jerlerinde ótkinshi jańbyrlar saqtalady, naızaǵaı oınap, jel kúsheıedi.
Al respýblıkanyń soltústigi men ońtústiginde kún raıy jaýyn-shashynsyz bolady dep kútilýde. Bul týraly «Qazgıdrometke» silteme jasaı otyryp, QR TJM-niń baspasóz qyzmeti habarlady.
Almaty, Jambyl, Ońtústik Qazaqstan, Qyzylorda, Batys Qazaqstan, Shyǵys Qazaqstan, kúndiz Mańǵystaý, Atyraý, Aqtóbe, Qostanaı, Qaraǵandy oblystarynda keı jerlerde 15-20 m/s jyldamdyqpen jel soǵady, Mańǵystaý, Atyraý oblystarynda qumdy daýyl turady.
Aqmola, Almaty, Qyzylorda, Mańǵystaý, Atyraý, Pavlodar, Qaraǵandy, sondaı-aq Batys Qazaqstan, Aqtóbe, Shyǵys Qazaqstan oblystarynyń keı jerlerinde qatty ystyqtar saqtalady.
Qyzylorda, Ońtústik Qazaqstan, Qostanaı, sondaı-aq Jambyl, Almaty, Qaraǵandy, Batys Qazaqstan, Aqtóbe, Aqmola, Soltústik Qazaqstan oblystarynyń keı aýmaqtarynda tótenshe joǵary órt qaýpi saqtalady.
Aldaǵy táýlikterde respýblıkanyń ońtústik, ońtústik-shyǵys jáne shyǵysyndaǵy taýly ózenderde sý deńgeıiniń aýytqýshylyǵy baıqalady.
