Respýblıkanyń batys, ońtústik-shyǵys jáne shyǵysynda ystyq aýa raıy saqtalady
ASTANA. 20 shilde. QazAqparat - Atmosferalyq aǵymdardyń ótýine baılanysty Qazaqstannyń basym aýmaǵynda 21 shildede ótkinshi jańbyr jaýady, naızaǵaı oınap, jel kúsheıedi, dep habarlady Qazgıdromet.
Respýblıkanyń batys, ońtústik-shyǵys jáne shyǵysynda kún raıy qatty ysıdy dep kútilýde.
Aqmola, Jambyl, Ońtústik Qazaqstan, Qyzylorda, Qostanaı, Soltústik Qazaqstan, kúndiz Qaraǵandy oblystarynyń keı jerlerinde 15-20 m/s jyldamdyqpen jel soǵady.
Aqmola, Almaty, Jambyl, Qyzylorda, Mańǵystaý, Atyraý, Pavlodar, sondaı-aq Batys Qazaqstan men Shyǵys Qazaqstan oblystarynyń jekelegen jerlerinde qatty ystyqtar saqtalady.
Qyzylorda, Ońtústik Qazaqstan, sondaı-aq Jambyl, Almaty, Qaraǵandy, Batys Qazaqstan, Aqtóbe, Qostanaı jáne Soltústik Qazaqstan oblystarynyń keı jerlerinde tótenshe joǵary órt qaýpi saqtalady.
Aldaǵy 3 táýlikte respýblıkanyń ońtústik, ońtústik-shyǵys jáne shyǵysyndaǵy taýly ózenderde sý deńgeıiniń aýytqýshylyǵy baıqalady.
