Respýblıkanyń basym bóliginde jel kúsheıedi - Qazgıdromet
ASTANA. QazAqparat - Respýblıkanyń batys jáne ońtústik bóligi 10 naýryz kúni antıtsıklonnyń yqpalynda bolady, bul jerlerde aýa raıy jaýyn-shashynsyz, dep habarlaıdy QR TJM baspasóz qyzmeti «Qazgıdrometke» silteme jasap.
Elimizdiń qalǵan aımaqtarynda tuman túsip, kóktaıǵaq bolady, jel kúsheıedi.
Aqmola, Qostanaı, Soltústik Qazaqstan oblystarynda burqasyndatyp, kóktaıǵaq bolady, jeldiń kúshi 15-20 m/s-qa deıin barady. Qostanaı, Soltústik Qazaqstan oblystarynda tuman túsedi. Mańǵystaý oblysynyń keı jerlerinde ekpini 15-20 m/s jel soǵady. Ońtústik Qazaqstan, Atyraý, Batys Qazaqstan, Aqtóbe oblystarynda tuman túsedi, Atyraý oblysynyń keı jerlerinde kúndiz soǵatyn jeldiń ekpini 15-20 m/s-qa deıin barady. Jambyl oblysynyń birqatar jerlerinde tuman túsedi, kóktaıǵaq bolyp, jel 15-20 m/s-qa deıin kúsheıedi. Shyǵys Qazaqstan, kúndiz Pavlodar oblystarynda burqasyn bolyp, ekpini 15-20 m/s bolatyn jel soǵady.
