Respýblıkanyń basym bóliginde jel kúsheıedi, Atyraý oblysynda qumdy daýyl bolady - 25 shildege arnalǵan aýa raıy boljamy
ASTANA. 24 shilde. QazAqparat - Atmosferalyq aǵymdardyń ótýine baılanysty Qazaqstannyń basym aýmaǵynda keı jerlerde ótkinshi jańbyr jaýady, naızaǵaı oınap, jel kúsheıedi.
Bul týraly Qazgıdrometke silteme jasaı otyryp QR TJM-niń baspasóz qyzmeti habarlady.
Almaty, Ońtústik Qazaqstan, Qyzylorda, Atyraý, Soltústik Qazaqstan, Aqmola, Pavlodar, Shyǵys Qazaqstan, kúndiz Mańǵystaý, Aqtóbe, Qostanaı, Qaraǵandy oblystarynyń jekelegen jerlerdine 15-20 m/s jyldamdyqpen jel soǵady.
Atyraý oblysynda keı jerlerde qumdy daýyl bolady, 17-22 m/s jyldamdyqpen jel soǵady, jeldiń ekpini 25 m/s-qa deıin jetedi dep kútilýde.
Almaty, Mańǵystaý, Aqtóbe, keı jerlerde Qaraǵandy, Shyǵys Qazaqstan oblystarynda kúnniń qatty ysýy saqtalady.
Qyzylorda, Ońtústik Qazaqstan, Qostanaı, Jambyl, sondaı-aq Almaty, Qaraǵandy, Aqtóbe, Aqmola, Soltústik Qazastan oblystarynyń jekelegen jerlerinde tótenshe joǵary órt qaýpi saqtalady.
