Respýblıkanyń basym bóliginde jaýyn-shashyndy bolyp, jel kúsheıedi, burqasyn kóterilip, tuman túsýi, kóktaıǵaq bolýy kútiledi - 8 naýryzdaǵy aýa raıy boljamy

Almaty oblysynda keı jerlerde tuman túsedi, kóktaıǵaq bolady, jeldiń ekpini 15-20 m/s-qa deıin kúsheıip, Jalańashkól aýdanynda uıtqýy 25 m/s-qa deıin jetedi. Ońtústik Qazaqstan oblysynda keı jerlerde tuman túsedi, kóktaıǵaq bolady, jel 15-20 m/s-qa deıin kúsheıedi. Jambyl oblysynda keı jerlerde tuman túsedi, kóktaıǵaq bolady, túnde keı aýdandarda jeldiń kúshi 15-20 m/s-qa jetedi. Qyzylorda oblysynda keı jerlerde jel 15-20 m/s-qa deıin kúsheıedi, túnde keı aýdandarda tuman túsip, kóktaıǵaq bolýy kútiledi. Qostanaı oblysynda keı jerlerde jel 18 m/s-qa deıin kúsheıip, burqasyndatady, túnde jáne tańerteń keı aýdandarda tuman túsedi. Aqmola, Shyǵys Qazaqstan oblystarynyń keıbir aýdandarynda jeldiń kúshi 15-20 m/s-qa deıin jetip, burqasyndatady. Soltústik Qazaqstan oblysynda keı jerlerde tuman túsedi, jel 15-20 m/s-qa deıin kúsheıedi. Qaraǵandy oblysynyń keıbir aýdandarynda kóktaıǵaq bolady, túnde jáne tańerteń tuman túsedi. Pavlodar oblysynyń keı jerlerinde jeldiń kúshi 15-20 m/s-qa jetedi. Mańǵystaý , Batys Qazaqstan, Aqtóbe oblystarynyń keıbir aýdandarynda tuman túsýi kútiledi. Taıaýdaǵy kezderi, 8-11 naýryz kúnderi Ońtústik Qazaqstan oblysynyń alasa taý ózenderinde jańbyr jaýýyna baılanysty sý deńgeıi kóterilip, sý tasqyny qalyptasýy múmkin. Jambyl jáne Almaty oblystarynyń keıbir alasa taý ózenderinde sý deńgeıiniń kóterilýi baıqalady. Qazaqstannyń qalǵan sý nysandarynda eleýli ózgerister kútilmeıdi. Budan buryn habarlanǵanyndaı, 8-9 naýryz kúnderi Ońtústik Qazaqstan oblysynyń alasa taýly ózenderinde jáne Qyzylorda oblysynyń Jańaqorǵan aýdanynda kúshti jaýyn-shashynnyń áserinen sý tasqyny qalyptasyp, taýly betkeılerden aqqan sý jaıylyp, sý basýy múmkin.