Respýblıkanyń basym bóliginde jańbyr jaýyp, eki oblysta úsik júredi - Qazgıdromet
Ońtústik tsıklon jáne onymen baılanysty atmosferalyq frontaldy bólimderdiń áserinen Qazaqstannyń kóp bóliginde kún qubylyp turady. Keı jerlerde naızaǵaı oınap jańbyr jaýady, ońtústik-batysta, soltústik-batysta, ońtústikte qatty jańbyr jaýady.
Qazaqstannyń ońtústik-batysynda, soltústik-batysynda, ońtústiginde jáne ortalyǵynda burshaq jaýýy yqtımal. Respýblıkamyzdyń soltústiginde, shyǵysynda, ońtústik-shyǵysynda soltústik-batys antıtsıklonnyń jotasy óz áserin tıgizip, kún jaýyn-shashynsyz bolady. Respýblıka boıynsha jel kúsheıedi, eldiń soltústiginde - tuman, soltústik– batysynda shańdy daýyl turady.
Aqtóbe oblysynyń ońtústiginde, tańerteń jáne kúndiz Almaty oblysynyń ońtústiginde jáne taýly aýdandarynda, kúndiz Mańǵystaý oblysynyń soltústik-batysynda, ońtústiginde, ortalyǵynda, túnde Qyzylorda oblysynyń soltústiginde, ortalyǵynda qatty jańbyr jaýady.
Túnde Aqmola oblysynyń soltústik-shyǵysynda topyraq betinde 2 gradýs úsik júredi. Soltústik Qazaqstan, Pavlodar oblystarynyń soltústiginde, Shyǵys Qazaqstan oblysynyń shyǵysynda 2 gradýs úsik júredi.
Qyzylorda oblysynda, Túrkistan oblysynyń soltústiginde jáne ortalyǵynda, Aqtóbe, Ulytaý oblystarynyń ońtústiginde, Almaty oblysynyń soltústik-batysynda tótenshe órt qaýipi saqtalady.
