Respýblıkanyń basym bóliginde kún raıy ashyq bolady - 5 naýryzǵa aýa raıy boljamy
ASTANA. QazAqparat - Respýblıka aýmaǵynyń basym bóligi burynǵysha antıtsıklon yqpalynda bolýymen baılanysty kún raıy ashyq bolady, eldiń ońtústiginde, ońtústik-batysynda jáne batysynda ǵana atmosferalyq aǵyndardyń ótýimen shamaly jaýyn-shashyn bolady. Respýblıkanyń keı jerlerinde tuman túsedi, dep habarlady QR ІІM Tóenshe jaǵdaılar komıteti «Qazgıdrometke» silteme jasap.
Aqmola, Jambyl, Qyzylorda, Mańǵystaý, Atyraý, Batys Qazaqstan, Qostanaı, Soltústik Qazaqstan, Pavlodar, Qaraǵandy, Shyǵys Qazaqstan oblystarynda keı jerlerde tuman túsedi. Almaty oblysynyń Jalańashkól aýdanynda jeldiń ekpini 18-23 m/s-qa, uıtqýy 28 m/s-qa deıin kúsheıedi.
Taıaýdaǵy táýlikterde Syrdarııa ózeninde muz qabatynyń álsireýi, sý deńgeıiniń qubylýy jalǵasady. Respýblıkanyń ońtústik-shyǵysyndaǵy jáne shyǵysyndaǵy ózenderde sý deńgeıi qubylady.
