Respýblıkanyń basym bóliginde aýa raıynyń turaqsyzdyǵy kútilýde
ASTANA. 24 maýsym. QazAqparat - Qazaqstannyń basym bóliginde atmosferalyq aǵyndar yqpalymen aýa raıynyń turaqsyzdyǵy kútilýde, keı jerlerde ótkinshi jańbyr jaýyp, naızaǵaı jarqyldaıdy, uıytqyǵan jel soǵady.
Bul týraly Qazgıdrometke silteme jasap, QR TJM baspasóz qyzmeti habarlaıdy.
Aqmola, Jambyl, Ońtústik Qazaqstan, Aqtóbe, Qostanaı, Qyzylorda, Soltústik Qazaqstan, Shyǵys Qazaqstan oblystarynda, kúndiz Atyraý, Batys Qazaqstan, Qaraǵandy oblystarynda keı jerlerde 15-20 m/s-qa jel soǵady dep kútilýde, Shyǵys Qazaqstan, Qyzylorda oblystarynda - keı jerlerde shań kóterilip, daýyl turady.
Jambyl oblysynda, Almaty, Qaraǵandy oblystarynyń keı jerlerinde qatty ystyq bolady dep kútilýde. Respýblıkanyń batysynda, soltústik-batysynda, soltústik-shyǵysynda, ońtústiginde jáne ortalyǵynda keı jerlerde tótenshe joǵary órt qaýpi saqtalady.
Jaqyn táýlikterde respýblıkanyń ońtústiginde, ońtústik-shyǵysynda jáne shyǵysynda jekelegen taýly ózenderde sý deńgeıiniń kóterilýi kútilýde. Buqtyrma ózeniniń basseıninde jáne onyń tarmaqtarynda (ShQO) kóp mólsherde qar erýine jáne jańbyr jaýýyna baılanysty sý deńgeıiniń kóterilýi jalǵasady, ózen tasýy jáne sý deńgeıiniń kóterilýi múmkin. Qazaqstannyń qalǵan sýly nysandarynda gıdrologııalyq tártipte aıtarlyqtaı ózgerister kútilmeıdi.
