Respýblıkanyń basym bóliginde aýa raıy jaýyn-shashynsyz bolady - 27 qarashaǵa arnalǵan aýa raıy boljamy
ASTANA. 26 qarasha. QazAqparat - Qazaqstannyń basym bóliginde antıtsıklonnyń yqpaly saqtalady, soǵan baılanysty aýa raıy jaýyn-shashynsyz bolady dep kútilýde.
Tek elimizdiń batysyna Máskeý aýdandarynan antıtsıklon aýysady, soǵan baılanysty qar jaýady. Bul týraly Qazgıdrometke silteme jasaı otyryp QR TJM-niń baspasóz qyzmeti habarlady.
Kúndiz Mańǵystaý oblysynda keı jerlerde 15-20 m/s jyldamdyqpen jel soǵady, Almaty oblysy Alakól ózeniniń aýdanynda 15-20 m/s-qa deıin jel kúsheıedi dep kútilýde. Batys Qazaqstan oblysynda kóktaıǵaq ornaıdy.
Aqmola, Soltústik Qazaqstan, Jambyl, Ońtústik Qazaqstan, Atyraý oblystarynda, túnde Qaraǵandy oblysynda, tańerteń jáne kúndiz Qostanaı oblysynda keı jerlerde tuman túsedi.
Shyǵys Qazaqstan oblysynda jekelegen jerlerde azdaǵan qarly burqasyn bolyp, túnde tuman túsedi.
Aldaǵy táýlikte elimizdiń batys, soltústik, soltústik-shyǵys, ortalyq sýly nysandarynda jáne ońtústik-shyǵystyń jekelegen ózenderinde muz qatý úrdisi baıqalady. Soǵan baılanysty eldiń shyǵys ózenderinde sý deńgeıi kóteriledi. Almaty oblysynyń ózenderinde sý deńgeıiniń aýytqýshylyǵy baıqalady.
