Respýblıkanyń basym bóliginde 29 mamyr kúni jaýyn-shashynsyz aýa raıy kútilýde.
ASTANA. 28 mamyr. QazAqparat - Qazaqstannyń basym bóliginde antıtsıklon yqpalymen jaýyn-shashynsyz aýa raıy kútilýde, soltústikte túnde keı jerlerde tuman túsýi múmkin. Bul týraly Qazgıdrometke silteme jasap, QR TJM baspasóz qyzmeti habarlaıdy.
Respýblıkanyń batysy jáne shyǵysynda ǵana atmosferalyq aǵyndar yqpalymen aýa raıy turaqsyz sıpat alady, ótkinshi jańbyr jaýyp, naızaǵaı jarqyldaıdy, jel kúsheıedi, keı jerlerde shań kóterilip, daýyl turady.
Aqmola, Soltústik Qazaqstan, Qostanaı oblystarynda túnde keı jerlerde túman túsýi múmkin, Qostanaı oblysynda keı jerlerde 18 m/s jel turady.
Mańǵystaý, Atyraý, Shyǵys Qazaqstan oblystarynda, kúndiz Batys Qazaqstan, Ońtústik Qazaqstan oblystarynda keı jerlerde 15-20 m/s jel kúsheıedi, Batys Qazaqstan oblysynda shań kóterilip, daýyl turady.
Respýblıkanyń batysy men ońtústiginde tótenshe joǵary órt qaýpi saqtalady.
