Respýblıkanyń basym bóliginde 28 mamyr kúni naızaǵaı jarqyldap, jańbyr jaýady, SQO-da burshaq jaýýy múmkin.
ASTANA. 27 mamyr. QazAqparat - Respýblıkanyń basym bóliginde atmosferalyq aǵyndar yqpalymen keı jerlerde naızaǵaı jarqyldap, jańbyr jaýady, jel kúsheıedi. Respýblıkanyń ońtústiginde jáne ońtústik-shyǵysynda jaýyn-shashynsyz aýa raıy kútilýde. Bul týraly Kazgıdrometke silteme jasap, QR TJM baspasóz qyzmeti habarlaıdy.
Aqmola, Pavlodar, Shyǵys Qazaqstan, Ońtústik Qazaqstan oblystarynda, túnde Mańǵystaý oblysynda, tańerteń jáne kúndiz Qostanaı oblysynda keı jerlerde 15-20 m/s jel soǵady dep kútilýde.
Atyraý oblysynda, kúndiz Batys Qazaqstan oblysynda keı jerlerde 15-20 m/s jel soǵady, shań kóterilip, daýyl turady.
Soltústik Qazaqstan oblysynda keı jerlerde 17-22 m/s jel soǵady dep kútilýde, burshaq jaýýy múmkin, túnde jáne tańerteń keı jerlerde tuman túsedi.
Respýblıkanyń batysynda jáne ońtústiginde tótenshe joǵarǵy órt qaýpi saqtalady.
Respýblıkanyń ońtústiginde, ońtústik-shyǵysynda jáne shyǵysynda taýly ózenderde sý kóleminiń turaqsyzdanýy baıqalady. Qazaqstannyń jazyqty aýmaǵynyń ózenderinde gıdrologııalyq tártipte aıtarlyqtaı ózgerister bolmaıdy.
