Respýblıkanyń basym bóliginde 23 shildede aýa raıynyń turaqsyzdyǵy saqtalady
ASTANA. 22 ııýlıa. KAZINFORM - Respýblıkanyń basym bóliginde aýa raıynyń turaqsyzdyǵy saqtalady, keı jerlerde naızaǵaı jarqyldap, jańbyr jaýady, uıytqyǵan jel soǵyp, túnde keı jerlerde tuman túsedi.
Bul týraly Qazgıdrometke silteme jasap, QR TJM baspasóz qyzmetinen habarlaıdy.
Qaraǵandy, Almaty, Pavlodar, Shyǵys Qazaqstan, Batys Qazaqstan oblystarynda, kúndiz Jambyl, Qostanaı oblystarynda keı jerlerde jeldiń 15-22 m/s-qa kúsheıýi kútilýde, Batys Qazaqstan oblysynda - shań kóterilip, daýyl turady, kúndiz Shyǵys Qazaqstan oblysynda burshaq jaýýy múmkin.
Aqmola, Qostanaı, Soltústik Qazaqstan oblystarynda túnde keı jerlerde tuman túsedi dep kútilýde.
Aqtóbe oblysynda kúndiz keı jerlerde qatty ystyq bolady.
Respýblıkanyń soltústik-batysynda, batysynda, ońtústiginde, ońtústik-shyǵysynda keı jerlerde tótenshe joǵary órt qaýpi saqtalady.
