Respýblıkanyń basym aımaqtarynda aıaz býyp tur
ASTANA. Qańtardyń 21-i. QazAqparat - Qazaqstanǵa kúshti ári sýyq antıtsıklondardyń yqpaly jalǵasyp otyrǵandyqtan beısenbi, qańtardyń 21-i kúni eldiń basym aımaqtarynda sýyq aýa raıy saqtalady,
dep habarlaıdy QazAqparat.
«Qazgıdromettiń» boljamdaryna sáıkes, búgin Ońtústik Qazaqstan, Aqtóbe, Qostanaı, Aqmola, Qaraǵandy jáne Shyǵys Qazaqstan oblystarynda keı jerlerde burqasyndatyp, 15-22 m/s jyldamdyqta jel turady dep kútilýde.
Túnde Jambyl oblysynyń keı jerlerine tuman túsip, shyǵystan 17-22 m/s jyldamdyqpen jel soǵady, taýly aýmaqtarda onyń ekpini 27 m/s-qa deıin jetedi dep boljanýda.
Mańǵystaý jáne Qyzylorda oblystarynyń keı aýdandarynda 15-22 m/s jyldamdyqta, Atyraý oblysynda 15-20 m/s ekpinmen jel soǵady.
Almaty oblysynda túnde keı jerlerde tuman bolady, Jalańashkól aýmaǵynda 20-25, keı ýaqyttary 30 m/s jyldamdyqta kúshti jel turady.
