Respýblıkanyń basym aýmaǵynda jaýyn-shashyn jaýyp, naızaǵaı oınaıdy, soltústik pen shyǵysta aýa temperatýrasy tómendeıdi - 17 mamyrǵa arnalǵan aýa raıy boljamy
ASTANA. 16 mamyr. QazAqparat - Qazaqstan Respýblıkasynyń Qorshaǵan ortany qorǵaý mınıstrliginiń «Qazgıdromet» RMK boljaýynsha, 17 mamyrda respýblıkanyń basym aýmaǵynda atmosferalyq aǵymdardyń ótýine baılanysty jekelegen jerlerde
jańbyr jaýyp, naızaǵaı oınap, jel kúsheıedi, respýblıkanyń soltústigi men shyǵysynda aýa temperatýrasy tómendeıdi dep kútilýde.
Aqmola, Jambyl, Ońtústik Qazaqstan, Qyzylorda, Qostanaı, Shyǵys Qazaqstan, túnde Aqtóbe jáne kúndiz Qaraǵandy oblystarynyń keı jerlerinde 15-20 m/s-qa deıin jel kúsheıedi. Atyraý oblysynyń jekelegen jerlerinde 15-20 m/s jyldamdyqpen jel soǵyp, qumdy daýyl bolady. Almaty oblysynyń keı jerlerinde 15-20 m/s-qa deıin jel kúsheıip, tuman bolady, burshaq jaýýy yqtımal. Soltústik Qazaqstannyń keı jerlerinde 15-20 m/s jyldamdyqpen jel soǵady, túnde jáne kúndiz tuman bolady dep kútilýde.
Aqmola, Qostanaı, Soltústik Qazaqstan, Pavlodar, Qaraǵandy jáne Shyǵys Qazaqstannyń jekelegen jerlerinde 0-3 gradýsqa deıin túngi úskirik bolýy yqtımal. Respýblıkanyń ońtústik, ońtústik-shyǵys jáne shyǵysynyń keı jerlerinde órttiń joǵary qaýpi saqtalady dep kútilýde.
17-20 mamyrda túnde Astana qalasynda, Aqmola, Qostanaı, Soltústik Qazaqstan, Pavlodar, Qaraǵandy jáne Shyǵys Qazaqstan oblystyrynda 0-3 gradýsqa deıin úskirik bolady.
