Respýblıkanyń basym aýmaǵynda jaýyn-shashyn, qarly burqasyn, ekpindi jel bolady dep kútilýde - 26 qańtarǵa arnalǵan aýa raıy boljamy
ASTANA. 25 qańtar. QazAqparat - Qazaqstannyń basym aýmaǵy ońtústik tsıklonnyń jáne oǵan baılanysty frontaldi aǵymdardyń yqpalynda bolady, soǵan sáıkes aýa raıy turaqsyz bolady, jańbyr jaýyp (soltústik óńirlerde qar), qarly burqasyn, ekpindi jel kóteriledi, jekelegen aýdandarda tuman túsip, kóktaıǵaq bolady.
Bul týraly Qazgıdrometke silteme jasaı otyryp QR TJM-niń baspasóz qyzmetinen habarlandy.
Tek elimizdiń ońtústiginde ǵana aýa raıy jaýyn-shashynsyz bolady dep kútilýde.
Aqmola oblysynda 15-20 m/s jyldamdyqpen jel soǵady, onyń ekpini keı jerlerde boranmen aralas 25 m/s-qa deıin jetedi. Pavlodar oblysynda qar aralas 17-22 m/s jyldamdyqpen kúshti jel soǵady, jekelegen jerlerde kóktaıǵaq ornaıdy.
Soltústik Qazaqstan oblysynda keı jerlerde qarly burqasyn bolady, tuman túsip, túnde respýblıkanyń basym aýmaǵynda 15-20 m/s jyldamdyqpen jel soǵady, keı jerlerde jeldiń ekpini 25 m/s-ty quraıdy, kúndiz jeldiń ekpini 15-20 m/s-qa deıin jetedi.
Qaraǵandy, Shyǵys Qazaqstan oblystarynda keı jerlerde qarly burqasyn, kóktaıǵaq bolady, 17-23 m/s jyldamdyqpen jel soǵady, Shyǵys Qazaqstan oblysynda keı jerlerde jeldiń ekpini 26 m/s-ty quraıdy.
Qostanaı, túnde Aqtóbe oblystarynda jekelegen jerlerde tuman túsedi, kóktaıǵaq bolyp, qarly burqasyn aralas 15-20 m/s jyldamdyqpen jel soǵady.
Atyraý oblysynda keı jerlerde tuman túsedi, kúndiz keı jerlerde qar aralas jeldiń jyldamdyǵy 15-20 m/s-qak deıin údeıdi.
Jambyl, Qyzylorda oblystarynyń keı jerlerinde tuman túsedi, kóktaıǵaq bolyp, 15-20 m/s jyldamdyqpen jel soǵady, Jambyl oblysynda jeldiń ekpini 23-28 m/s-qa jetedi.
Almaty oblysyndaǵy Jalańashkól aýdanynda 15-20 m/s jyldamdyqpen jel soǵady. Mańǵystaý oblysynda keı jerlerde tuman túsedi.
Aldaǵy úsh táýlikte respýblıkanyń ońtústik, ońtústik-shyǵys jáne shyǵysyndaǵy ózenderde sý deńgeıiniń aýytqýshylyǵy baıqalady.
