Respýblıkanyń basym aýmaǵynda jańbyr jaýady, eldiń batysynda ǵana kún raıy jaýyn-shashynsyz bolady - 2 tamyzǵa arnalǵan aýa raıy boljamy
ASTANA. 1 tamyz. QazAqparat - Atmosferalyq aǵymdardyń ótýine baılanysty 2 tamyzda Qazaqstannyń basym aýmaǵynda ótkinshi jańbyr jaýyp, naızaǵaı oınap, jel kúsheıedi, túnde tuman basady.
Tek respýblıkanyń batysynda ǵana kún raıy jaýyn-shashynsyz bolady, dep habarlady Qazgıdrometke silteme jasaı otyryp QR TJM-niń baspasóz qyzmeti.
Almaty, Jambyl, Pavlodar, Qaraǵandy, kúndiz Ońtústik Qazaqstan oblystarynda keı jerlerde jeldiń ekpini 15-22 m/s-qa deıin jetedi dep kútilýde.
Aqmola, Soltústik Qazaqstan oblystarynda 15-20 m/s jyldamdyqpen jel soǵady, kúndiz burshaq jaýady, Soltústik Qazaqstan oblysynda tańerteń jáne túnde tuman bolady.
Qostanaı oblysynda keı jerlerde jeldiń ekpini 15-20 m/s-qa deıin jetedi, tańerteń jáne túnde tuman bolady.
Shyǵys Qazaqstan oblysynda 17-22 m/s jyldamdyqpen jel soǵyp, qumdy daýyl bolady.
Atyraý, Batys Qazaqstan oblystarynyń jekelegen jerlerinde jáne Mańǵystaý oblysynda kún qatty ysıdy dep kútilýde.
Atyraý, Batys Qazaqstan, Aqtóbe, Qyzylorda, Ońtústik Qazaqstan, Jambyl, Almaty, Qaraǵandy, Shyǵys Qazaqstan, Pavlodar oblystarynda tótenshe joǵary órt qaýpi saqtalady.
Aldaǵy táýlikterde respýblıkanyń ońtústik, ońtústik-shyǵys jáne shyǵysyndaǵy taýly ózenderde sý deńgeıiniń aýytqýshylyǵy baıqalady.
