Respýblıkanyń basym aýmaǵynda kúshti aıaz saqtalady
ASTANA. 7 jeltoqsan. QazAqparat - Sibir antıtsıklony Qazaqstan aýa raıyna óz áserin saqtaıdy, tek respýblıkanyń batysy men ońtústiktegi shetkeri aýdandarynyń keı jerlerinde ǵana jaýyn-shashyn, ásirese qar ákeletin aralas aýa aǵyndary kútilýde,
dep habarlady QR TJM baspasóz qyzmeti Qazgıdromet málimetterine silteme jasap.
Almaty oblysynyń soltústik shyǵysynda 35 gradýsqa deıin kúshti aıaz saqtalady, al Jalańashkól aýdanynda jel ekipini sekýndyna 30 metrden asady.
Shyǵys Qazaqstan oblysynyń keı jerlerinde 45 gradýsqa deıin kúshti aıaz saqtalady, jeldiń jyldamdyǵy sekýndyna 15-20 metrge jetedi.
Ońtústik Qazaqstan oblysynyń keı jerlerin tuman basyp, kúndiz jyldamdyǵy sekýndyna 18 metrge jetetin jel soǵady. Mańǵystaý, Pavlodar oblysynyń keı jerlerin tuman basatyndyǵy boljanýda. Sondaı-aq Qyzylorda oblysynyń jekelegen aýdandarynda shań borap, jel jyldamdyǵy sekýndyna 18 metrge jetedi.
