Respýblıkanyń basym aýmaǵynda aýa raıy turaqsyz bolady - 16 qarashaǵa arnalǵan aýa raıy boljamy
ASTANA. 15 qarasha. QazAqparat - Respýblıkanyń basym bóligi atmosferalyq aǵymdardyń yqpalynda bolady, soǵan baılanysty aýa raıy turaqsyz bolady, jańbyr jaýyp, tuman túsip, kóktaıǵaq ornap, boran soǵyp, jel kúsheıedi.
Tek elimizdiń ońtústik-batysynda ǵana aýa raıy jaýyn-shashynsyz bolady. Bul týraly Qazgıdrometke silteme jasaı otyryp QR TJM-niń baspasóz qyzmeti habarlady.
Qostanaı, Qaraǵandy, Shyǵys Qazaqstan oblystarynyń birqatar aımaqtarynda boran, kóktaıǵaq bolady, 15-20 m/s-qa deıin jel kúsheıedi, Qostanaı oblysynyń jekelegen aýdandarynda tuman túsedi.
Pavlodar, Aqmola oblystarynda, kúndiz Soltústik Qazaqstan oblysynda keı jerlerde boran bolady, 15-20 m/s jyldamdyqpen jel soǵady.
Almaty, Ońtústik Qazaqstan oblystarynda 15-22 m/s-qa deıin jel kúsheıedi. Mańǵystaý oblysynda tuman túsedi.
Jambyl, Aqtóbe oblystarynda keı jerlerde tuman túsip, kóktaıǵaq ornaıdy. Jeldiń ekpini 15-20 m/s-qa deıin jetedi.
Batys Qazaqstan oblysynyń birqatar aımaqtarynda kóktaıǵaq bolady, jeldiń ekpini 15-20 m/s-qa deıin jetedi. Atyraý oblysynda 15-22 m/s jyldamdyqpen jel soǵady, túnde jáne tańerteń tuman túsedi dep kútilýde.
