Respýblıkanyń aımaqtarynda órtten úsh adam qaza boldy, bireýi aýrýhanaǵa jatqyzyldy
ASTANA. 7 jeltoqsan. QazAqparat - Respýblıka óńirlerinde órt saldarynan úsh adam qurban boldy, bireýi aýrýhanaǵa jatqyzyldy.
Bul týraly QR TJM baspasóz qyzmetinen habarlady.
Shyǵys Qazaqstan oblysynyń Zyrıanov qalasynda jekemenshik úıden órt shyqty. Oqıǵa ornynan jasy egde tartqan er adamnyń máıiti tabyldy.
Soltústik Qazaqstan oblysynyń Arhangelskoe aýylynda órt ornynan er adam men áıel adamnyń deneleri tabyldy.
Pavlodar qalasynda bes qabatty turǵyn úıdiń tórtinshi qabatynda órt oqıǵasy oryn aldy. Gaz ıisine ýlanǵan áıel adam aýrýhanaǵa jatqyzyldy.
