Respýblıkanyń alty oblysynda jol qozǵalysy toqtatyldy
ASTANA. QazAqparat - QR ІІM TJ Komıetinen habarlaǵandaı, qazirgi kezde respýblıkanyń alty oblysynda aýa raıynyń qolaısyzdyǵyna baılanysty jol jabyldy.
Aýa raıynyń nasharlaýyna baılanysty (burqasyn jel, kórinbeý) Astana q. barlyq baǵyttaryndaǵy jol jabyq.
Almaty oblysynda 4 aqpan saǵat 10.40-tan aýa raıynyń nasharlaýyna baılanysty (qatty jel, boran, kórinbeý) "Úsharal-Dostyq" (82-184 sh., Kóktuma a. - Dostyq a.) a/j ýchaskesinde barlyq baǵyttarda barlyq avtokólikterine qozǵalys toqtatyldy.
Aqmola oblysynda 4 aqpan saǵat 22-30-dan aýa raıynyń nasharlaýyna baılanysty (boran, kórinbeý) a/j barlyq baǵyttaryndaǵy jol jabyq.
Shyǵys Qazaqstan oblysynda 5 aqpan saǵat 08-00-den aýa raıynyń nasharlaýyna baılanysty (qatty jel, boran, kórinbeý) "Óskemen-Shemonaıha-RF shek." (54-123 km, Pervomaıka-RF shek.) a/j barlyq baǵyttaryndaǵy jol jabyq.
Qaraǵandy oblysynda 4 aqpan saǵat 16-00-den aýa raıynyń nasharlaýyna baılanysty (boran) a/j ýchaskeler: «Jezqazǵan-Petropavlovsk» (60-240 sh., k. Jezdi-Qostanaı obl. shekarasyna deıin); «Almaty-Ekaterınbýrg» (1051-1142 sh., Temirtaý q.-Aqmola obl. shekarasyna deıin); «Qyzylorda - Pavlodar»(974-1066 sh., Qaraǵandy q.-Molodejnyı k.) barlyq avtokólik túrlerine qozǵalys toqtatyldy.
05.02. saǵ. 05-15 aýa raıynyń nasharlaýyna baılanysty (boran) "Almaty-Ekaterınbýrg" a/j (885-1007 sh., Aqsý-Aıýly k.-Qaraǵandy q.) barlyk avtokólik túrlerine qozǵalys toqtatyldy.
Qostanaı oblysynda "Jezqazǵan-Petropavlovsk" (252-377 shm. Qaraǵandy obl. shekarasy-Arqalyq q. Aqmola obl. shekarasyna deıin); "Ekaterınbýrg -Almaty" (686-729 sh., Sarykól a. - SQO shekarasyna deıin); "Mamlıýtka-Qostanaı" (180-249 sh., (Uzynkól a. - SQO shekarasyna deıin) barlyq avtokólikterdiń túrine jabyldy.
Soltústik Qazaqstan oblysynda 04.02. aýa raıynyń nasharlaýyna baılanysty (jaıaý burqasyn, kórinýdiń nasharlaýy) "Elenovka-Aryqbalyq-Chıstopole-Esil" (17-209 sh) barlyq avtokólik túrlerine qozǵalys toqtatyldy.
