Respýblıkanyń 4 oblysynda jol ýchaskeleri jabyldy
ASTANA. 7 naýryz. QazAqparat - Boran saldarynan birqatar joldarda kólik qozǵalysy bógeldi. Bul týraly búgin «Qazaqavtojol» RMK-nyń baspasóz qyzmetinen habarlandy.
Aqmola oblysy boıynsha qolaısyz aýa raıyna (qar, boran, jol kórinisiniń shektelýi) baılanysty avtokóliktiń barlyq túrleri úshin búgin myna joldarda qozǵalysqa shekteý qoıyldy:
"Astana-Korgaljyn" jolynyń 19-124 shaqyrymy aralyǵy;
"Astana-Petropavl" jolynyń 18-74 shaqyrymy (Astana qalasynan Shortandy baǵyty boıynsha sol jol qozǵalysy); 200-18 shaqyrymy (Makınskten Astana qalasy baǵytyna qaraı oń jaq jol qozǵalysy) aralyǵy;
"Ekaterınbýrg-Almaty" jolynyń 1280-1353 shaqyrymy arasyndaǵy Astana q-Qaraǵandy obl.shekarasy aralyǵy;
"Astana-Ereımentaý-Shiderti jolynyń 16-205 shaqyrymyndaǵy Astana q-Pavlodar obl.shekara aralyǵy.
Qaraǵandy oblysy aýmaǵynda avtokóliktiń barlyq túrleri úshin búgin myna joldar jabyldy:
"Ekaterınbýrg-Almaty" jolynyń 1492-1610 shaqyrymyndaǵy Qaraǵandy q.-Aqsý Aıýly aralyǵy;
"Qyzylorda-Pavlodar" jolynyń 433-905 shaqyrymyndaǵy Jezqazǵan-Topar aralyǵy;
"Ekaterınbýrg-Almaty" jolynyń 1425-1364 shaqyrymyndaǵy Temirtaý-Osakarovka aralyǵy;
"Qyzylorda-Pavlodar" jolynyń 970-1066 shaqyrymyndaǵy Qaraǵandy q.-Molodejnyı aralyǵy.
Pavlodar oblysy qolaısyz aýa raıyna (boran, jol kórinisiniń shektelýi) baılanysty búgin saǵat 18.00-den bastap "Astana-Ereımentaý-Shiderti" a/j 205-259 shaqyrymy, Aqmola obl.shekara- Shıderti aralyǵynda avtokóliktiń barlyq túrleri úshin jol qozǵalysyna shekteý qoıyldy.
Shyǵys Qazaqstan oblysynadaǵy qolaısyz aýa raıyna (qar kóshkini júrýiniń qaýipine) baılanysty avtokóliktiń barlyq túrleri úshin búgin saǵat 18.00-den bastap "Óskemen-Zyrıanovsk-Rahman qaınarlary" jolynyń 7-164 shaqyrymyndaǵy Ýshanovskıı-Zyrıanovsk aralyǵynda qozǵalysqa shekteý qoıyldy.
