Respýblıkanyń 15 óńiri jylytý maýsymyna kóshti - C. Nokın
ANA. 2 qarasha. QazAqparat /Marlan Jıembaı/ - Respýblıkamyzdyń 15 óńiri jylytý maýsymyna kóshti.
Bul týraly búgin Úkimet otyrysynda QR Qurylys jáne kommýnaldyq sharýashylyq isteri agenttiginiń tóraǵasy Serik Nokın málim etti.
«Búgingi kúni respýblıkanyń 15 óńiri jylytý maýsymyna kóshti. Aýa raıy qolaıly bolǵandyqtan Ońtústik Qazaqstan oblysynda jylytý maýsymyn bastaý keıinge qaldyrylyp otyr»,- dedi ol.
Agenttik tóraǵasynyń aıtýyna qaraǵanda, 28 qazandaǵy jaǵdaı boıynsha belgilengen qýattyń 100 Gkal/saǵatqa deıingi 415 myń qazandyqty jylytý maýsymyna daıyndaý aıaqtalǵan.
Sondaı-aq 736 shaqyrym jylý trassasy, 1840 shaqyrym sýmen jabdyqtaý jáne sý burý jelileri, 46372 shaqyrym elektr berý jelileri jóndelgen. Jańa oqý jyly qarsańynda 10202 oqý oryndarynyń, 7178 - densaýlyq saqtaý, 539 áleýmettik nysandar jylytý maýsymyna tolyǵymen daıyn boldy, - dedi S. Nokın.
Sonymen qatar turǵyn úılerdi jylytý maýsymyna daıyndaýǵa erekshe nazar aýdarylǵan. Ákimdikterdiń derekteri boıynsha 38468 turǵyn úı jylý energııasyn qabyldaýǵa ázir.
