Respýblıkamyzdyń mektepke deıingi uıymdarynda 100 orynǵa orta eseppen 104,9 baladan keledi
ASTANA. 17 mamyr. QazAqparat /Qanat Mámetqazyuly/ - 2010 jyly respýblıkada 4781 turaqty mektepke deıingi uıymdar jumys istedi.
Olarda 390,8 myń bala (49 paıyz qyzdar jáne 51 paıyz uldar) oqydy jáne tárbıelendi. Atalmysh nysandardaǵy 3 jáne odan úlken jastaǵy balalar 84,1 paıyzdy qurady. Turaqty mektepke deıingi uıymdardyń jalpy sanynan 4 471-i nemese 93,5 paıyzy memlekettik uıymdar bolyp tabylady. Ondaǵy kontıngentiniń sany - 362,1 myń bala (92,7 paıyz). Bul týraly QazAqparat Statıstıka agenttigine silteme jasap habarlaıdy.
Agenttik málimetine súıensek, 2009 jylmen salystyrǵanda 2010 jyly elimizdegi osy sanattaǵy uıymdar sany 2 929 birlikke (2,6 esege), al balalar sany 111,7 myńǵa (1,4 esege) kóbeıdi. Respýblıka boıynsha 100 orynǵa orta eseppen 104,9 baladan keledi. Qalalyq jerlerde osy kórsetkish - 111, aýyldyq jerde 94,9 balany qurady. «Mektepke deıingi uıymdardyń jalpy sanynan 4 609 nemese 96,4 paıyzy - jalpy maqsattaǵy uıymdar. 81 uıym (1,7 paıyz) - shıpajaılyq, 53 (1,1 paıyz) - arnaýly maqsattaǵylar bolyp tabylady. Jalpy maqsattaǵy uıymdarda 375,9 myń bala (nemese jalpy tárbıelenýshilerdiń sanynan 96,2 paıyzy), shıpajaılyq - 7,1 myń bala (1,8 paıyz), arnaýly - 7,8 myń bala (2,0 paıyz) tárbıelendi», - delingen agenttiktiń taratqan baspasóz aıǵaǵynda.
