Respýblıkamyzdyń basym aýmaǵynda sýyq aýa raıy saqtalady - Qazgıdromet
ASTANA. QazAqparat - Qazaqstannyń basym bóliginde 21 mamyr kúni aýa raıy qubylmaly bolady, keıbir aımaqtarda jaýyn-shashyn bolyp, tuman túsedi, jel kúsheıedi. Al elimizdiń soltústik aımaǵynda túnde sýyq aýa raıy saqtalady. Bul týraly Qazgıdrometke silteme jasap, QR TJM baspasóz qyzmetinen habarlady.
Tek batys pen ońtústik-batys aımaqtarda aýa raıy jaýyn-shashynsyz bolyp keledi. Aqmola, Almaty, Pavlodar, Qaraǵandy, Shyǵys Qazaqstan, Soltústik Qazaqstan, Qostanaı, tańerteń jáne kúndiz Mańǵystaý oblystarynda jeldiń kúshi 15-20 m/s-qa deıin barady.
Jambyl oblysynda jeldiń kúshi 18-23 m/s bolyp, shańdy daýyl soǵady.
Soltústik Qazaqstan, Qaraǵandy, Aqmola, Qostanaı, Pavlodar, Shyǵys Qazaqstan oblystarynda sýyq aýa raıy saqtalyp, túnde 0-5 gradýsqa deıin tómendeıdi.
