Respýblıkamyzdaǵy sý qoımalarynyń 20 paıyzynyń tozyǵy jetken - senator Q. Aıtahanov
ASTANA. Mamyrdyń 28-i. QazAqparat /Qanat Mámetqazyuly/ -Respýblıka boıynsha sý qoımalarynyń 20 paıyzynyń tozyǵy jetken. Búgin QR Parlamenti Senatynda «Saýarmaly egin sharýashylyǵy máseleleri boıynsha zańnamany jetildirý jáne Qazaqstanda sýarmaly jerlerdi tıimdi paıdalanýdyń joldary» atty taqyrypta ótken jıynda senator Qýanysh Aıtahanov osylaı málim etti,
dep habarlaıdy QazAqparat.
Senatordyń sózine qaraǵanda, qazirgi tańda respýblıkadaǵy sý qoımalarynyń - 20 paıyzy, sý toraptarynyń - 38 paıyzy, kanaldardyń - 46 paıyzynyń tozyǵy jetken. Sonymen qatar, tek sý qoımalaryn ǵana kúrdeli jóndeýge shamamen 17 mlrd. teńge kóleminde qarjy qajet etiledi eken. Al qazirgi kúni jyl saıyn bólinip otyrǵan bıýdjet qarjysynyń mólsheri 1 mlrd. teńgege de jetpeıtin kórinedi. ıAǵnı, bul qarajat qajettiliktiń 4 paıyzyn ǵana qurap otyr, degen sóz.
«Qoryta aıtatyn bolsaq, Úkimet aǵymdaǵy jyly qalpyna keltirýdi, kúrdeli jóndeýdi kezek kúttirmeı kerek etetin sý qoımalary men gıdrotehnıkalyq ǵımarattardyń, kanaldardyń tizimin bekitip, oǵan aldaǵy jyly respýblıkalyq bıýdjetten tıisti qarjyny bólýi kerek. Bundaı sharalar oblystar men aýdandarda jedel atqarylǵany jón. Keshegi Qyzylaǵash, Samaradaǵy oryn alǵan jaǵdaılardan qorytyndy shyǵarýǵa tıispiz», dedi Q. Aıtahanov.
