Respýblıkamyzda tumaý men dem alý vırýstyq ınfektsııalarmen aýyrýǵa baılanysty epıdemıologııalyq jaǵdaı turaqty - Densaýlyq saqtaý mınıstrligi
ASTANA. 11 aqpan. QazAqparat - QR Densaýlyq saqtaý mınıstrliginiń Memlekettik sanıtarlyq-epıdemologııalyq qadaǵalaý komıteti habarlap otyrǵandaı, respýblıkamyzda tumaý men dem alý vırýstyq ınfektsııalarmen aýyrýǵa baılanysty epıdemıologııalyq jaǵdaı turaqty.
Ótken jyldyń osy kezeńimen salystyrǵanda tumaý men dem alý vırýstyq ınfektsııalarmen aýyratyndardyń sany 1,4 ese azaıyp otyr (559 889 oqıǵa, onyń ishinde tumaý - 240).
Densaýlyq saqtaý mınıstrliginiń 2010 jylǵy 15 qyrkúıektegi buıryǵyna sáıkes tumaýmen aýyratyndardyń materıaldaryna zerthanalyq anyqtaý júrgizý Astana men Almaty qalalarynyń, oblystardyń sanıtarlyq-epıdemıologııalyq zertteý ortalyqtaryna júktelgen. Materıaldy qorytyndy tekserýden ótkizý «Sanıtarlyq-epıdemıologııalyq saraptama jáne monıtorıng ǵylymı-tájirıbelik ortalyǵy» RMKK Ulttyq referens-zerthanasyna júktelipti.
Astanadan N1N1 tumaýy bar degen kúdikpen jiberilgen 11 synaý materıaly (2010 jyly 9, 2011 jyly 2 fakti) rastalǵan joq. Komıtet tarapynan respýblıkamyzda turǵyndar arasynda tumaý men ótkir dem alý ınfektsııalarynyń aldyn alýǵa baǵyttalǵan josparly keshendi sharalar jalǵasýda.
