Respýblıkalyqtar AQSh kongresinde kópshilik daýysqa ıe bolmaq
ASTANA. QazAqparat - AQSh-ta Kongreste aralyq saılaý ótip jatyr, dep habarlady VVS.
Saılaý nátıjesi boıynsha, Vashıngtondaǵy basymdyq ózgerýi múmkin. Respýblıkalyq partııa qaıta saılaý ótip jatqan úsh orynǵa senattan qosymsha alty oryn alýdy kózdeýde.
Másele ońynan sheshilgen jaǵdaıda, respýblıkalyqtar Kongrestiń eki palatasy - Ókilder palatasy jáne Senatta da kópshilik daýysqa ıe bolady.
«Bul Aq úıde prezıdent Barak Obamanyń aıaqtalyp qalǵan merziminiń ekinshi jartysynda onyń jaǵdaıyn qıyndatyp jiberedi. Onyń ishki jáne syrtqy saıasatta óz bastamalaryna qol jetkizýi ońaıǵa soqpaýy múmkin», - deıdi VVS.
Bı-bı-sıdiń soltústik amerıkalyq redaktorynyń aıtýynsha, kóptegen amerıkalyqtar saıasatqa, onyń ishinde prezıdent Obamaǵa kóńilderi tolmaıtyn syńaıly. Ol saılaýshylardyń áreketinen baıqalýda. Ókilder palatasy tolyq quramda qaıta saılanady.
Aıta ketý kerek, AQSh-ta 36 shtatta gýbernatorlar saılaýy ótip jatyr
