Respýblıkalyq joldarǵa vıdeokamerasy men jyldamdyq ólshegishi bar arkalar ornatylady

NUR-SULTAN. QazAqparat – Respýblıkalyq joldardyń ár 40-50 shaqyrymyna vıdeokamerasy men jyldamdyq ólshegishi bar arkalar ornatylady. Bul týraly «Qazavtojol» ulttyq kompanııasy basqarma tóraǵasynyń orynbasary Talǵat Smaǵulov málim etti, dep habarlaıdy QazAqparat tilshisi.

«Biz ınvestıtsııalyq konkýrs aıasynda respýblıka boıynsha 11 myń shaqyrym jolǵa aqyly júıe engizemiz. Bul rette ıntellektýaldyq-kóliktik júıege basymdyq beriledi. ıAǵnı joldyń bul ýchaskeleri kameralarmen, skorostemermen jabdyqtalady. Sonymen qatar aldaǵy ýaqytta uzyn joldardaǵy jaıaý júrginshiler ótetin bólikti jaryqtandyramyz», - dedi Talǵat Smaǵulov kompanııanyń Instagram paraqshasynda suraqtarǵa jaýap bere otyryp.

Onyń aıtýynsha, Nur-Sultan – Şýchınsk arasyndaǵy jolǵa arka ornatylǵan. Ol jerde vıdeokamera bar.

«Bizdiń málimetterimiz boıynsha dál sol jerde jol erejesin buzýdyń 8 myń faktisi tirkelgen. Onyń ishinde 39 jaǵdaıda júrgizýshiler jyldamdyqty saǵatyna 200 shaqyrymnan asyrǵan. Aldaǵy ýaqytta men ataǵan 11 myń shaqyrym joldyń ár 40-50 shaqyrymynda arkalar ornatylady. Dál sol jerde vıdeokameralar men jyldamdyq ólshegishter qoıylady», - dedi ol.