Respýblıkalyq joldardyń boıynda servıstik keshender ashylatyn boldy

NUR-SULTAN. QazAqparat – Respýblıkalyq mańyzy bar joldardyń boıynda 35 servıstik keshen salynady. Olardyń naqty qaı ýchaskelerde boı kóteretinin «QazAvtoJol» UK» AQ Basqarma tóraǵasy Ulan Álipov «QazAvtoJol» ulttyq kompanııasynyń tikeleı efırinde sóılegen sózinde aıtyp berdi, dep habarlaıdy QazAqparat tilshisi.

«Jol boıyndaǵy jańa 35 keshende janar-jaǵarmaı quıý beketteri, sýpermarketter, jabdyqtalǵan sanıtarııalyq toraptar, demalý alańdary bolady. Alǵashqy nysandar kelesi aptanyń ózinde paıdalanýǵa berilgeli jatyr. Ol nysan «Almaty – Qapshaǵaı» ýchaskesindegi Almaty qalasynan 20 shaqyrym jerde ornalasqan», - dedi Ulan Álipov.

Kompanııa basshysynyń aıtýynsha, ol keshenderdiń negizgi bóligi «Nur-Sultan – Qaraǵandy» men «Balqash – Almaty» jolynyń boıynda ornalasady. Jeke kompanııalar bul baǵytta 30 mlrd teńge salýdy kózdep otyr.

Eske sala ketsek buǵan deıin Ulan Álipov «Nurly jol 2» baǵdarlamasy boıynsha qyzý jumys júrgizilip jatqanyn málim etken edi.

«Bıyl bizdiń elde jóndeý jumystarymen 4 myń shaqyrym jol qamtyldy. Jalpy, «Nurly jol 1» jáne «Nurly jol 2» baǵdarlamasy boıynsha jospardy oryndap kelemiz. ıAǵnı, 2015-2020 jyl aralyǵynda «Nurly jol 1» baǵdarlamasy boıynsha jumysty aıaqtap, 13 myń shaqyrym joldy qaıta jóndeýden ótkizdik. 8 myń shaqyrym joldy І jáne ІІ sanatty joldardyń qataryna engizdik. Bıyldan bastap «Nurly jol 2» baǵdarlamasy bastaldy», - dedi ol.