Respýblıkalyq joldardaǵy 672 421 metr jaryqshalar joıylady - Qazavtojol
NUR-SULTAN. QazAqparat - Respýblıkalyq mańyzy bar joldardaǵy 672 421 metr bolatyn jaryqshalardy joıý jumystary júrgizilýde, dep habarlaıdy QazAqparat.
«Qazavtojol» kompanııasynyń málimetinshe, jol betindegi jaryqshalar ýaqyt óte kele jol tóseliminiń barlyq qabattaryn buzyp, joldaǵy shaǵyn shuńqyrlarǵa nemese jol jamylǵysyn tolyǵymen aýystyrýdy qajet etetin shuńqyrlardyń paıda bolýyna ákelýi múmkin.
«Jaryqshalardy quıý – jol sapasyn jaqsartýdyń zamanaýı ádisi, ol jol jamylǵysyn paıdalaný merzimin kúrdeli jóndeý jumystarynsyz 5-7 jylǵa deıin uzartýǵa múmkindik beredi. Shuńqyrlardy quıý protsesi asfalt-beton jamylǵysynyń tutastyǵyn qalpyna keltirý protsesi dep te atalady.
Joldaǵy jaryqshalardy quıý tehnologııasy úsh kezeńge negizdelgen: jaryqshaqtyń qabyrǵalaryn mehanıkalyq tazartý, onyń betin keptirý jáne jaryshany arnaıy germetıkalyq materıalmen tyǵyzdap toltyrý», - delingen vedomstvonyń habarlamasynda.
Búgingi tańda «Qazaqavtojol» respýblıkalyq mańyzy bar joldardyń 437 873 metr bolatyn jaryqshalaryn joıyp úlgergen.
