Respýblıkalyq joldarda jyldamdyq tirkeıtin avtomatty júıe ornatylady
NUR-SULTAN. QazAqparat – Respýblıkalyq mańyzdaǵy joldarda kóliktiń ortasha qozǵalys qarqyny boıynsha jyldamdyqty asyrý jaǵdaılaryn tirkeý júıesi ornatylady, dep habarlaıdy QazAqparat tilshisi.
Bul týraly ortalyq kommýnıkatsııalar qyzmetinde ótken brıfıng barysynda QR ІІM Polıtsııa aǵa ınspektory Aqtoty Boranova aıtty.
«Endi avtokólikterdiń ortasha jyldamdyǵy eseptelinedi. Bul júıe qazirgi tańda zańmen rettelmegen. Sondyqtan jol qozǵalysyn retteıtin normatıvtik qujattarǵa ortasha jyldamdyq túsinigin engizý usynylyp otyr», - dedi Polıtsııa aǵa ınspektory.
Onyń aıtýynsha, qazir jyldamdyqty tirkeý júıeleri tek qala aýmaqtarynda ǵana ornatylǵan. Biraq respýblıkalyq joldardaǵy qozǵalys jyldamdyǵy rettelmegen.
«Avtokólikpen belgilengen jerlerde ǵana jyldamdyqty tómendetip, odan ary qaraı jyldamdyqty qaıtadan asyryp júrý beleń alǵan. Tas joldarda, respýblıkalyq mańyzy bar joldarda A pýnktinen B pýnktine jetkenge deıingi belgilengen jyldamdyqty saqtaýdy qadaǵalaý úshin osy túsinik engizilmek. ıAǵnı, kólik ıesiniń atalmysh qashyqtyqty qansha ýaqytta eńsergeni esepteletin bolady», - dedi Aqtoty Boranova.
ІІM ókiliniń aıtýyna qaraǵanda, ortasha jyldamdyqty belgileý úshin avtokólik shyqqan kezde onyń memlekettik belgisi, shyqqan ýaqyty tirkeledi, odan soń B pýnktine deıingi jol uzaqtyǵy onyń ýaqytyna bólinedi. Eger avtokólik belgilengen jyldamdyqty asyratyn bolsa nemese belgilengen ýaqyttan erte keletin bolsa, júıe avtomatty túrde onyń jyldamdyqty asyryp basqarǵanyn anyqtap beredi.
«592 baptyń bólikterine ózgerister engizilip, ortasha jyldamdyqty asyrǵany úshin de ákimshilik quqyqbuzýshylyqqa tartylatyn bolady», - de atap ótti ol sóz sońynda.
