Respýblıkalyq joldarda júktemesi 8 tonnadan asatyn kólik qozǵalysyna ýaqytsha shekteý engizildi
ASTANA. QazAqparat - Respýblıkalyq joldarda jalqy biligine júktemesi 8 tonnadan asatyn avtokólik quraldarynyń qozǵalysyna ýaqytsha shekteý engizildi, dep habarlaıdy QR Kólik jáne kommýnıkatsııa mınıstrliginiń baspasóz qyzmetinen.
Bul shekteý bıylǵy jylǵy 23 naýryz ben 1 mamyr aralyǵynda Aqmola, Aqtóbe, Shyǵys Qazaqstan, Batys Qazaqstan, Qaraǵandy (Qaraǵandy aýdany), Qostanaı, Pavlodar jáne Soltústik Qazaqstan oblystarynda qoldanylady. Osyndaı shekteý Almaty, Atyraý, Jambyl, Qaraǵandy (Jezqazǵan aýdany), Qyzylorda jáne Mańǵystaý oblystarynda 1 naýryz ben 1 sáýirge aralyǵynda engiziledi. Mysalǵa bilikter arasyndaǵy qashyqtyq uzyndyǵy 1,3-1,8 sm bolǵanda eki dońǵalaqty avtokólik quralynyń qosarlanǵan bilikteriniń sharyqtaý somasy 13,2 tonnany quraıdy, al úsheýi biriktirilgen bir dońǵalaqty bilikke 18 tonnany quraıdy (1 kesteni qaraý). QR KKM Kólikti baqylaý komıtetiniń tóraǵasy Áset Asaýbaev «Mundaı shekteýler joldarda jyl saıyn engizilip turatyny málim. Mundaı tájirıbe Qazaqstannyń aýa raıyna uqsas elderde qoldanylady. Kóktemdegi sý tasqyny kezeńinde jol jamylǵysynyń ylǵaldanýy sebebinen avtomobıl joldary aýyr júkti kólik quralynyń júktemesi aldynda qorǵansyz jáne olardy qosymsha qorǵaý qajet» dep atap ótti. Tolyq aqparatty myna jerden ala alasyz.
