Respýblıkalyq jedel medıtsınalyq járdem ǵylymı ortalyǵynyń mamandary búırekti almastyrýdyń jańa ádisin ıgerdi
ASTANA. 9 tamyz. QazAqparat - Respýblıkalyq jedel medıtsınalyq járdem ǵylymı ortalyǵynyń mamandary búırekti almastyrýdyń jańa ádisin ıgerdi, dep habarlady atalǵan mekemeniń baspasóz qyzmetinen.
Baspasóz qyzmetiniń atap ótýinshe, elimizde alǵash ret sozylmaly búırek fýnktsııasynyń kináraty bar syrqattarǵa Ońtústik Koreıanyń Anam gospıtaliniń mamandarymen birlesip, laparoskopııanyń kómegimen 3 búırekti almastyrý operatsııasy jasaldy.
Operatsııalar «Іrgeli jáne qoldanbaly ǵylymı zertteýler» 055 bıýdjettik baǵdarlamasynyń sheńberinde «Transplanttaý maqsatynda donorlyq búırekti endoskopııalyq alyp tastaý» sheberlik synyby aıasynda jasaldy.
«Operatsııalardyń ereksheligi, bul tásil patsıentti az jaraqattaıdy jáne syrqattardy ońaltýdyń operatsııadan keıingi kezeńin 10-14 kúnnen 3-4 kúnge deıin qysqartýǵa múmkindik beredi», delingen baspasóz habarlamasynda.
Osyǵan oraı Respýblıkalyq jedel medıtsınalyq járdem ǵylymı ortalyǵy erteń baspasóz máslıhatyn ótkizbek.
