Respýblıkalyq jastar uıymdary jetekshileriniń Memleket basshysyna joldaǵan hatynda ıntellektýaldy ult qurýda belsene qyzmet etetindikteri bildirilgen
ASTANA. 20 qyrkúıek. QazAqparat - Memleket basshysy Nursultan Nazarbaevtyń atyna respýblıkalyq jastar uıymdary jetekshilerinen hat keldi, dep habarlaıdy QR Prezıdentiniń baspasóz qyzmeti.
Hatta búginde elimizde Elbasynyń salıqaly saıasatynyń arqasynda jastardyń joǵary ıntellektýaldyq deńgeıi qalyptasqany atap ótiledi. Sonymen qatar, olar búgingi tańda qazaq elinde jastar úshin barlyq jaǵdaı jasalǵanyna toqtalǵan. XXI ǵasyrda Qazaqstannyń ınnovatsııalyq damý jolynda jastar ózderiniń bar bilimi men kúsh-jigerlerin salatynyn aıtady.
«Siz ózińizdiń «Qazaqstan bilim qoǵamy jolynda» atty ınteraktıvti dárisińizde qazirgi qazaq eliniń tabysty damýyndaǵy jastardyń roline erekshe toqtalyp óttińiz. Sizdiń osy dárisińiz jáne oǵan deıingi jastarǵa arnalǵan árbir sózińiz barlyq jas azamatty beı-jaı qaldyrmaıdy. Biz, respýblıkalyq jastar uıymdarynyń ókilderi, memleketimizdiń gúldenýi men kórkeıýi jolyna barlyq kúsh-qýatymyzdy jumsaıtynymyzdy málimdeımiz» delingen hatta.
Avtorlar hat sońynda el basshysynyń ár ónegeli isinen úlgi alyp, strategııalyq baǵytyn tolyqtaı qoldaı otyryp, ıntellektýaldy ult qurýda aıamaı qyzmet etetindikterine senim bildiredi.
Ujymdyq hatqa «Nur Otan» HDP janyndaǵy «Jas Otan» jastar qanaty» QB, QR Prezıdentiniń halyqaralyq «Bolashaq» stıpendııasy stıpendıattarynyń qaýymdastyǵy, «Qazaqstan jastar kongresi» ZTB, «Qazaqstan stýdentter alıansy» RSQ», QB jetekshileri, t.b. qol qoıǵan.
