Respýblıkalyq «Jas qanat» baıqaýyna 16 jas oryndaýshy irikteýden ótti
ASTANA. 18 mamyr. QazAqparat - Búgin Astanada jas oryndaýshylardyń respýblıkalyq «Jas qanat» baıqaýy bastaldy.
Baıqaý uıymdastyrýshylarynyń aıtýynsha, osy jyly baıqaýǵa qatysýǵa ótinish bergenderdiń sany rekordtyq kórsetkishke jetken.
Qazirgi ýaqytta óner dodasyna túsetin jas ónerpazdardyń irikteý týry aıaqtaldy.
Onyń nátıjesi boıynsha 16 jas ánshi iriktelinip alyndy. Olardyń qatarynda Qamsyzbaı Qurmet (Pavlodar), Baqytjan Oraqaev (Oral), Aıdyn Ábdijúsipov (Aıagóz), Nurbolat Abdýllın (Aqtóbe), Aqmarjan Baınazarova (Qyzylorda), Gúlnar Damaeva (Astana), Ibragım Jantýlın (Oral), Eldana Dúısenova (Pavlodar), Merýert Jeldibaeva (Astana), Kúlaıym Qaıyrbaeva (ShQO), Aına Qalmaǵambetova (Taraz), Názıra Hıbashova (Oral), Dımash Qudaıbergen (Aqtóbe), Ádilhan Makın (Petropavl), Gúlsim Myrzabekova (Qaraǵandy) jáne «Kerbez» dýeti (Semeı).
Osymen jıyrma birinshi ret ótkizilip otyrǵan «Jas qanat» baıqaýynyń uıymdastyrýshysy - «Azııa daýysy» halyqaralyq festıval ortalyǵy. Baıqaýǵa Astana qalasynyń ákimdigi men «Habar» agenttigi qoldaý bildirdi.
