Respýblıkalyq jáne aımaqtyq jýrnalıster arasynda úzdik sot qyzmetterin nasıhattaýǵa baıqaý jarııalandy
Baıqaýdyń maqsaty - sottardyń qyzmeti týraly azamattardyń aqparat alý deńgeıin kóterý, olardyń tartysty oqıǵalardy quqyqtyq ádispen sheshýge senimin arttyrý, sýdıalardyń táýelsizdigin qamtamasyz etý máselelerine buqaralyq aqparat quraldarynyń nazaryn aýdarý, sýdıa laýazymyna bilikti kadrlardy daıyndaý. Konkýrs "respýblıkalyq baspasóz betterinde sot qyzmetin úzdik kórsetý" jáne "aımaqtyq baspasóz betterinde sot qyzmetin úzdik kórsetý" atalymdary boıynsha respýblıkalyq jáne aımaqtyq basylymdar arasynda bólek ótkiziledi. Konkýrsqa qoǵamda zańdylyqty jáne tártipti nyǵaıtýdaǵy sot qyzmeti jáne onyń róli, sot protsesteriniń tárbıelik jáne aldyn-alý, profılaktıkalyq róli, moraldyq-adamgershilik taqyrybyndaǵy ocherkter, sot táýelsizdigin qamtamasyz etý, olardyń mártebesin nyǵaıtý máseleleri týraly, sondaı-aq qoǵam ıgiligine eńbek etip jatqan jandardyń mártebeli eńbegin ashatyn materıaldar qabyldanady. Konkýrsqa usynylatyn eńbekter 2014 jylǵy 1 aqpannan 2015 jyldyń 20 naýryzǵa deıingi aralyq qosa eseptelgen kezeńde baspasóz betterinde jarııalanǵan bolýy tıis. Jumystar qazaq jáne orys tilderinde qabyldanady. Respýblıkalyq konkýrstyń qorytyndysyn shyǵarýǵa respýblıkalyq qazylar alqasy qurylady, al aımaqtyq BAQ úshin oblystyq qazylar alqasy qurylady, olardyń quramyna sot qaýymdastyǵynyń, Jýrnalıster odaǵynyń jáne «Ádil sóz» qorynyń ókilderi kiredi. Baıqaý qorytyndysy 2015 jyldyń sáýir aıynda shyǵarylady. Respýblıkalyq jáne oblystyq qazylar alqasy úsh júldeli oryndy anyqtap, jeńimpazdardy marapattaıdy. Birinshi orynǵa - 250 myń teńge, ekinshi orynǵa - 150 myń teńge, úshinshi orynǵa - 100 myń teńge kóleminde syıaqy belgilendi. Oblystyq qazylar alqasy marapattaý mólsheri men túrin ózderi anyqtaıdy. Respýblıkalyq jáne oblystyq qazylar alqasy aqshalaı syılyqtardan bólek, jeńimpazdarǵa basqa yntalandyrý syılaryn belgileýi múmkin.
