Respýblıkalyq Ulannyń sarbazdary Qazaqstannyń kók Týyn kóterip, qala kóshelerimen júgirip ótti

ASTANA. Mamyrdyń 6-sy. QazAqparat /Arman Asqarov/ - Búgin Uly Jeńistiń 65 jyldyq mereıtoıyna oraı Respýblıkalyq ulannyń sarbazdary elimizdiń Týyn kókke kóterip, qalanyń ishimen alty shaqyrym jerdi júgirip ótti,

dep habarlaıdy QazAqparat.

Іs-shara aıasynda Respýblıkalyq ulan qolbasshylyǵy men №0112 áskerı bóliminiń 500-den astam ofıtserleri men sarbazdary Astana qalasynyń sol jaǵalaýynan oń jaǵalaýǵa deıin 6 shaqyrymnan astam joldy júgirip ótti. Uly Jeńis merekesine oraılastyrylǵan sporttyq shara Memlekettik tý monýmentinen bastalyp, Esil ózeni, Táshenov jáne Manas kósheleriniń boıymen jalǵasty. Júgiris kezinde sarbazdar Qazaqstannyń kók Týyn joǵary ustap, áskerı-patrıottyq ánder aıtty. Al Otan qorǵaýshylar monýmentinine jetkennen keıin, olar eskertkishke gúl shoqtaryn qoıyp, Uly Otan soǵysynda qaza tapqan batyrlardyń rýhyna taǵzym etti.