Respýblıkalyq ulanda alǵash ret «Qamal-2012» taktıkalyq jattyǵýy ótti
Ony baıqaýǵa Prezıdent Ákimshiliginiń Basshysy Kárim Másimov pen Prezıdent kómekshisi - Qaýipsizdik Keńesiniń hatshysy Marat Tájın shaqyryldy.
Daǵdarysty ahýaldardyń ártúrli sharttarynda derbes quramnyń is-áreketterin pysyqtaý jattyǵýdyń negizi boldy. Mundaı jattyǵý Respýblıkalyq ulanda alǵashqy ret ótkizip otyr.
Jattyǵý barysynda derbes quramnyń bilimderi men tájirıbelik mashyqtanýy, sondaı-aq Respýblıkalyq ulan bólimsheleriniń tıisti is-qımylǵa degen daıyndyǵy tekserildi.
Gvardııashylar qyzmettik-jaýyngerlik daıyndyq pen moraldyq-psıhologııalyq erekshelikterdiń joǵarǵy deńgeıin kórsetti. Negizinen alǵa qoıylǵan maqsattarǵa qol jetkizilip, mindetter oryndaldy.
Jattyǵý aıaqtalǵasyn oǵan taldaý jasalyndy, onyń qorytyndysy boıynsha nátıjeler shyǵarylyp, usynymdar tujyrymdaldy. Jalpy Respýblıkalyq ulan qyzmetiniń áskerı qyrlaryn kúsheıtýdiń, ony tehnıkalyq jaraqtaný deńgeıin sapaly túrde arttyrýdyń mańyzdylyǵy atap kórsetildi.
